Fréttasafn

Varðskipið ÞÓR sigldi í dag kl. 16:29 að íslenskum tíma, úr höfn  Asmar skipasmíðastöðvar sjóhersins í Chile þar sem skipið hefur verið í smíðum frá árinu 2007. Framundan er sjö þúsund sjómílna sigling (um fjórtán þúsund kílómetrar) til Íslands.

Margar tilkynningar hafa að undanförnu borist Landhelgisgæslunni um hafís út af Vestfjörðum.  Borgarísjakar og íshröngl hafa sést á siglingaleiðum og getur sjófarendum stafað hætta af þeim.

Hannað hefur verið sérstakt skeytasendingarforrit sem viðbót við sameiginlegt fjareftirlitskerfi Fiskistofu og Landhelgisgæslunnar (LHG), svo kallaður NAF-reporter. Forritið er þannig úr garði gert að skipstjórnarmenn velja sér veiðisvæði og forritið þekkir hvaða skeyti eiga við um veiðar á hvaða svæði og leiðir menn áfram við gerð einstakra skeyta auk þess að samnýta upplýsingar úr rafrænni afladagbók þar sem því verður við komið. Væntingar standa til að þetta auki hagræði við gerð og skil á skeytum líkt og skylda ber til í alþjóðasamningum og auðveldi skipstjórnarmönnum þá vinnu sem í skeytasendingunum felst.

Varðskipið Þór var afhent Landhelgisgæslu Íslands við hátíðlega athöfn í dag kl. 11:45 að staðartíma (kl. 14:45 að íslenskum tíma) í Asmar skipasmíðastöð sjóhersins í Chile. Viðstödd athöfnina voru Georg Kr. Lárusson forstjóri Landhelgisgæslunnar sem veitti skipinu viðtöku og Ragnhildur Hjaltadóttir ráðuneytisstjóri í innanríkisráðuneytinu.

Ægir, varðskip Landhelgisgæslunnar sem er að störfum á vegum landamærastofnunar Evrópubandalagsins, FRONTEX, bjargaði skömmu fyrir hádegi í dag 63 flóttamönnum af litlum, ofhlöðnum bát sem sökk miðja vegu á milli Marokkó og Spánar.

Þyrla Landhelgisgæslunnar TF-LÍF tók í gær þátt í æfingu með sjóbjörgunarsveitum víða af landinu sem haldin var á Skagaströnd. Meðal annars var farið í leitarverkefni á sjó og æfðar hífingar með hraðbátum þar sem sigmanni var slakað og hann hífður í báta á ferð.

Starfsmenn Malbikunarstöðvarinn Höfða brugðust hárrétt við í gær við þegar þeir fundu ósprungna sprengju í vinnslunni hjá sér. Þeir höfðu samband við Landhelgisgæsluna sem sendi sprengjusveitina  tafarlaust á vettvang.

Landhelgisgæslunni barst kl. 12:38 beiðni í gegnum Neyðarlínuna frá lækni í Vestmannaeyjum um aðstoð þyrlu Landhelgisgæslunnar. Vegna þoku er ekki hægt fyrir flugvélar að lenda í Vestmannaeyjum. Þyrla Landhelgisgæslunnar fór í loftið kl. 12:57. 

Landhelgisgæslunni barst kl. 06:16 neyðarkall á rás 16 frá bát sem var vélarvana og leki hafði komið að í miðjum Seyðisfirði. Fjórir menn voru um borð og sögðu þeir dælur bátsins hafa vel undan. Báturinn var dreginn til Seyðirfjarðar þar sem komið var til hafnar kl. 08:15.

Þyrla Landhelgisgæslunnar, TF-LÍF fór í gær í flug fyrir Veðurstofuna og Raunvísindastofnun sem notað var til að flytja búnað til að mæla jarðskorpuhreyfingar í Mýrdalsjökli.

General Stephane Abrial, Supreme Allied Commander Transformation NATO, SACT kynnti sér í dag starfsemi Landhelgisgæslunnar. Georg Kr. Lárusson, forstjóri Landhelgisgæslunnar, Jón B. Guðnason yfirmaður Landhelgisgæslunnar í Keflavík og Ásgrímur L. Ásgrímsson, starfandi framkvæmdastjóri aðgerðasviðs og yfirmaður stjórnstöðvar tóku á móti Abrial.

Vegna bilunar í VHF fjarskiptabúnaði í Grímsey eru fjarskipti á svæðinu ótrygg. Viðgerð fer fram eins fljótt og auðið er. Samkvæmt upplýsingum frá varðstjórum Landhelgisgæslunnar er talið að bilun búnaðarins sé líklega bein afleiðing af rafmagnsbilun í eyjunni.

Landhelgisgæslan tók í gær þátt í flugdeginum á Reykjavíkurflugvelli með ýmsum hætti og sýndi nokkra möguleika í notkun þyrlu Landhelgisgæslunnar. Byrjað var á að sýna notkun slökkvifötu (bamby bucket) var síðan farið í hefðbundna björgunarhífingu með börum og einum manni í lykkju og var eftir það bifreið slingað og sleppt.

Þyrla Landhelgisgæslunni var kölluð út kl. 15:40 í dag vegna alvarlegra veikinda um borð í togara sem staddur var um 50 sml Austur af landinu. Aðstoðarbeiðnin barst í gegnum Neyðarlínuna og eftir samráð skipstjóra við þyrlulækni var ákveðið að kalla út TF-LÍF.

Borgarísjaki sást 25 sjómílur norðvestur af Kögri í á fimmtudag. Landhelgisgæslunni barst tilkynning um borgarískjakann frá fiskiskipi sem var statt um 16.3 sml. NV af Straumnesi.