Fréttasafn

Áhöfnin á varðskipinu Tý brást skjótt við þegar ákveðið var að kalla hana út á ellefta tímanum í morgun til að auka viðbragð á sjó þar sem engin björgunarþyrla eða flugvél er tiltæk vegna verkfalls flugvirkja. 

Varðskipið Týr lætur úr höfn í Reykjavík um kvöldmatarleytið en áhöfn skipsins var kölluð út í morgun til að auka viðbragðsgetu Landhelgisgæslunnar á hafinu þar sem engin björgunarþyrla eða flugvél er tiltæk vegna verkfalls flugvirkja.

Halldór Nellett hóf í gær lokaferð sína sem skipherra á varðskipinu Þór þegar skipið lét úr höfn í Reykjavík. Þegar varðskipin Þór og Týr mættust á ytri höfninni þeytti áhöfnin á Tý flautuna Halldóri til heiðurs. Ferill Halldórs hjá Landhelgisgæslunni er glæsilegur en hann spannar tæp 50 ár.

Lítill fiskibátur strandaði í sunnanverðum Tálknafirði á sjöunda tímanum í gærkvöld. Einn var um borð í bátnum og gerði hann stjórnstöð Landhelgisgæslunnar viðvart um strandið. Aðrir fiskibátar komu fljótt að þeim strandaða og fljótlega tókst að koma honum á flot. 

Landhelgisgæsla Íslands vekur athygli á að stormspár eru í gildi á 16 af 17 spásvæðum Veðurstofunnar á hafinu umhverfis landið en gert er ráð fyrir mjög hvassri suðvestanátt á morgun og fram á föstudag. Á sama tíma gera ölduspár ráð fyrir mikilli ölduhæð sunnan- og vestanlands.

Varðskipið Þór lagðist að bryggju við Faxagarð í Reykjavík í morgun eftir tæplega þriggja vikna eftirlitsferð umhverfis landið. 

Áhöfnin á varðskipinu Þór aðstoðaði fiskibát með bilaða vél undan mynni Hvalfjarðar síðdegis í dag. Stjórnstöð Landhelgisgæslunnar barst tilkynning um bátinn á fjórða tímanum en hann var þá staddur um fimm sjómílur suðsuðvestur af Akranesi.