Fréttasafn

Eftirlits- og sjómælingabáturinn Baldur hefur nú hafið árlegt úthald við dýptarmælingar vegna sjókortagerðar. Í sumar verður Baldur við mælingar við Strandir.

Dagurinn hefur verið eftirminnilegur og annasamur hjá Landhelgisgæslunni sem aðstoðar lögreglu við öryggisgæslu vegna leiðtogafundar Evrópuráðsins sem fram fer í Reykjavík.

Í tengslum við leiðtogafund Evrópuráðsins sem haldinn verður í Reykjavík dagana 16.-17. maí sinnir flugsveit breska flughersins loftrýmisgæslu við Ísland. 

TF-SIF, eftirlitsflugvél Landhelgisgæslunnar, lenti á Reykjavíkurflugvelli í hádeginu en vélin var kölluð fyrr til landsins úr verkefnum sínum fyrir Frontex, landamærastofnun Evrópu, vegna leiðtogafundarins í næstu viku.

Þyrlusveit Landhelgisgæslunnar hélt sameiginlega æfingu með áhöfn hollenska herskipsins Van Amstel vestur af landinu í vikunni. Van Amstel tilheyrir fastaflota Atlantshafsbandalagsins sem hafði viðkomu hér á landi á dögunum.

Fundur Norræna sjómælingaráðsins (Nordic Hydrographic Commission, NHC) fór fram nýverið í Álaborg. Á fundinum voru samþykktir ráðsins endurskoðaðar í samræmi við samþykktir Alþjóðasjómælingastofnunarinnar (IHO). 

Þyrlusveit Landhelgisgæslunnar var kölluð út í nótt til að sinna sjúkraflugi frá Vestmannaeyjum. Ekki reyndist unnt að senda sjúkraflugvél til Eyja vegna slæms skyggnis.

Rúmlega hundrað þátttakendur tóku þátt í sjóbjörgunaræfingunni Faxa 23 um helgina þar sem fjöldabjörgun farþega frá hvalaskoðunarskipi var æfð úti fyrir Reykjavík. Viðbragðsaðilar og hvalaskoðunarfyrirtækið Elding stóðu að æfingunni.

Þyrla Landhelgisgæslunnar og sjóbjörgunarsveitir á vegum Slysavarnafélagsins Landsbjargar, voru kallaðar út í hádeginu vegna fiskibáts sem datt úr sjálfvirkri tilkynningarskyldu og svaraði ekki kalli stjórnstöðvar Landhelgisgæslunnar. 

Þyrlusveit Landhelgisgæslunnar og sjóbjörgunarsveitir á vegum Slysavarnafélagsins Landsbjargar á Snæfellsnesi voru kallaðar út laust fyrir klukkan tvö í dag vegna leka sem kominn var að strandveiðibáti sem staddur var um 10 sjómílur vestur af Öndverðarnesi. 

Laust eftir miðnætti fékk stjórnstöð Landhelgisgæslunnar tilkynningu um veikindi um borð í fiskibát sem var á strandveiðum vestur af Sandgerði.

Mikið var um að vera í stjórnstöð Landhelgisgæslunnar í dag, á fyrsta degi strandveiðanna. Klukkan níu morgun voru um sex hundruð skip í fjareftirliti stjórnstöðvar Landhelgisgæslunnar. Þrír bátar höfðu samband við stjórnstöð Landhelgisgæslunnar í morgun vegna vélavandræða. Tveir þeirra voru dregnir til hafnar af björgunarskipum Slysavarnafélagsins Landsbjargar og fiskibátur dró þann þriðja til hafnar.

Áhöfnin á varðskipinu Freyju hefur lokið störfum í Steingrímsfirði en þar hefur áhöfn skipsins verið undanfarna daga og unnið að björgun flutningaskipsins Wilson Skaw sem strandaði í Húnaflóa fyrir tæpum tveimur vikum. Gert er ráð fyrir því að Freyja fari af svæðinu síðar í dag.