Fréttasafn

Yfirmenn strandgæslustofnana átta norðurslóðaríkja undirrituðu samstarfsyfirlýsingu á fundi Arctic Coast Guard Forum í Boston á föstudag. Ákveðið hefur verið að halda stóra æfingu í haust þar sem æfð verða viðbrögð við stórslysi á hafinu á milli Íslands og Grænlands. 

Skipverjar á varðskipum Landhelgisgæslunnar stunda reglulegar æfingar í brunavörnum, skyndihjálp og öðru sem þeir þurfa að kunna skil á til að geta brugðist rétt við hættulegum aðstæðum. Nýlegar æfingar á Þingeyri og í Fjarðabyggð eru dæmi um það. 

Leki kom að netabátnum Sæljósi GK. Björgunarskipið Björg frá Rifi tók skipverjann um borð og dró bátinn til hafnar. TF-LÍF fór í loftið en aðstoð hennar var síðar afturkölluð. 

Fyrrverandi starfsmenn Landhelgisgæslunnar kynntu sér starfsemina í höfuðstöðvunum í Skógarhlíð. 

14. mars 1987 tókst áhöfn þyrlunnar TF-SIF að bjarga níu manna áhöfn Barðans við mjög erfiðar aðstæður undan Hólahólum á Snæfellsnesi. 

Gestkvæmt hefur verið á öryggissvæðinu á Keflavíkurflugvelli undanfarna daga. Á meðal þeirra sem heimsótt hafa svæðið er hópur úr US Air War College og gestir af NATO-ráðstefnu.

Flugsveit úr ítalska hernum sinnir loftrýmisgæslu NATO hér við land frá og með miðri næstu viku fram í miðjan apríl. Sex Eurofighter Typhoon-orrustuþotur verða notaðar til verkefnisins. 

Þyrla Landhelgisgæslunnar sótti í nótt skipverja af Hrafni Sveinbjarnarsyni GK-225 sem hafði veikst um borð. Fyrr í vikunni sótti TF-LIF mann sem hafði slasast um borð í fiskiskipi norðvestur af Snæfellsnesi.

Í gær var þess minnst að tuttugu ár voru liðin frá því að Elías Örn Kristjánsson tók út af varðskipinu Ægi þegar björgunaraðgerðir vegna strands flutningaskipsins Víkartinds stóðu yfir. 

Sprengjueyðingarsveit Landhelgisgæslunnar fór í vikunni með TF-LIF í Svefneyjar í Breiðafirði til að eyða hættulegum sprengibúnaði sem þar hafði fundist. Sveitin kom einnig að því að hreinsa fjarskiptamöstur á Bláfelli sem voru þakin þykkum ís. 

Sigurjón Björnsson, staðarumsjónarmaður í ratsjárstöðinni á Stokksnesi, hóf þar fyrst störf fyrir réttum fjórum áratugum. Starfsfélagi hans bakaði vöfflur handa honum í tilefni dagsins. 

Rannsóknanökkvar og öldureksdufl mæla nú ölduhæð, hafstrauma, loftþrýsing og hitastig í hafinu suðvestur af landinu. Bandaríska Scripps-stofnunin og Landhelgisgæslan, Hafró og Háskóli Íslands hafa gert með sér samstarfssamning.