Fréttasafn

Göngumaður gerði viðvart um netabunka í fjörunni í Selstaðavík í Seyðisfirði. Varðskipið Týr fjarlægði trollhlutann og flutti til Seyðisfjarðar. 

Loðnuvertíð Norðmanna í íslensku lögsögunni þetta árið er lokið. Norsk stjórnvöld tilkynntu þetta í morgun. Norsku skipin hafa veitt nánast allan þann kvóta sem þeim var úthlutað. 

TF-SIF flaug yfir Kaldabak EA-1 suður af gríska meginlandinu í gær en þetta nýja og glæsilega skip Útgerðarfélags Akureyringa er á heimleið úr tyrkneskri skipasmíðastöð. 

Tugir erlendra loðnuskipa hafa verið að loðnuveiðum norður og austur af landinu undanfarnar vikur og hafa veitt vel. Stjórnstöð Landhelgisgæslunnar og varðskipið Týr tryggja að veiðarnar fari vel og rétt fram. 

Línubátur lenti í vanda á Breiðafirði í gær þegar hann tók inn á sig sjó. Þegar hann kallaði eftir aðstoð á rás 16 voru undirtektirnar dræmar. Björgunarskip frá Rifi kom til hjálpar. 

Sjómælingar Íslands hafa sent frá sér nýjar útgáfur af tveimur sjókortum, annars vegar hafnarkortinu af Akureyri og hins vegar yfirsiglingakortinu Dyrhólaey-Snæfellsnes. Umfangsmiklar mælingar liggja til grundvallar nýju útgáfunum. 

Einn af hápunktum 112-dagsins var tvímælalaust þegar Guðni Th. Jóhannesson, forseti Íslands, var hífður um borð í þyrluna TF-LÍF. Hátt í tvö þúsund manns skoðuðu varðskipið Þór í tilefni dagsins. 

112 og viðbragðsaðilar bjóða almenningi að skoða græjurnar og hitta 112-fólkið á Hörputorgi og við Reykjavíkurhöfn á morgun 11. febrúar. Forseta Íslands bjargað úr Reykjavíkurhöfn. Varðskipið Þór verður til sýnis. Skyndihjálparmaður Rauða krossins útnefndur. Verðlaun veitt í Eldvarnagetrauninni. 

Þyrlan flutti veika konu til Reykjavíkur. Hún kom til Hornafjarðar með sjúkrabíl frá Fjarðabyggð.

Landhelgisgæslan hefur fengið aftur í sína vörslu þrjár fallbyssur sem áður voru geymdar hjá Þjóðminjasafninu. Þær voru smíðaðar undir lok 19. aldar. 

Denis Mercier, Supreme Allied Commander Transformation, fundaði með utanríkisráðherra og skoðaði öryggissvæðið á Keflavíkurflugvelli með fulltrúum Landhelgisgæslunnar ot utanríkisráðuneytisins. 

Þyrla Landhelgisgæslunnar fór í gær með starfsfólk Veðurstofunnar og almannavarnadeildar ríkislögreglustjóra á Grænafjall og Kistu til að yfirfara mælibúnað í nágrenni Kötlu og Bárðarbungu. 

Stjórnstöð Landhelgisgæslu Íslands segir nokkuð um að á miðunum séu í notkun AIS-netabaujur sem ekki eru rétt skráðar. Slíkt getur orsakað rugling og jafnvel valdið óþarfa útköllum viðbragðsaðila. 

Norska loðnuskipið Fiskebas boðaði komu sína í lögsöguna í gærkvöld. Tvö önnur erlend fiskiskip hafa síðan þá bæst í hópinn. Varðskipið Týr er nú á leið á miðin til að halda uppi eftirliti.