Fréttasafn

Mannbjörg varð þegar strandveiðibátur sökk norðvestur af Garðskaga á þriðja tímanum í nótt.

Þyrlusveit Landhelgisgæslunnar var kölluð út að beiðni læknis um borð í skemmtiferðaskipi sem var statt við austurströnd Grænlands vegna bráðra veikinda eins farþegans um borð.

Varðskip Landhelgisgæslunnar, Þór og Freyja, hafa öfluga dráttargetu til að geta brugðist við ef skip, stór sem smá, lenda í vandræðum á hafsvæðinu umhverfis landið. Dráttarvírinn leikur þar lykilhlutverk og áhöfn varðskipanna þurfa að tryggja að hann sé í góðu standi ef á þarf að halda.

Viðbragðsaðilar landsins tóku þátt í fjölmennri flugslysaæfingu sem haldin var á Höfn í Hornafirði um helgina. Alls tóku um 140 manns þátt í æfingunni, þar af 20 leikarar. Æfingin gekk afar vel og reyndi á samvinnu og samhæfingu þeirra sem að verkefninu komu.

Töluvert annríki hefur verið í stjórnstöð Landhelgisgæslunnar í dag. Þyrlusveit Landhelgisgæslunnar var kölluð út í morgun til að sækja sjómann sem slasaðist á hendi við störf sín um borð í fiskiskipi sem var á veiðum út af Vestfjörðum. TF-GRO, þyrla Landhelgisgæslunnar, tók á loft frá Reykjavíkurflugvelli um klukkan 8:30 og var komin að skipinu klukkustund síðar. Þá var skipið um 20 sjómílur vestur af Sauðanesi.

Þyrlusveit Landhelgisgæslunnar og sjóbjörgunarsveitir Slysavarnafélagsins Landsbjargar voru kallaðar út vegna dráttarbátsins Grettis sterka sem lenti í vanda vegna bilunar, suðaustur af Vík, á tíunda tímanum á föstudagskvöld kvöld. Fimm voru um borð í dráttarbátnum.

Mikið hefur verið um að vera í stjórnstöð Landhelgisgæslunnar í morgun, á fyrsta degi strandveiðanna. Klukkan tíu voru á níunda hundrað skip og bátar í fjareftirliti hjá stjórnstöð Landhelgisgæslunnar.