Fréttasafn

Stefna okkar er að halda almenningi, stjórnvöldum og starfsfólki vel upplýstu um starfsemina og stuðla þannig að jákvæðri og sterkri ímynd Landhelgisgæslunnar í þjóðfélaginu.

Fréttayfirlit

Viðbúnaður vegna vélarvana skips - 8.1.2018

Talsverður viðbúnaður var settur í gang í gærkvöld eftir að vélar flutningaskipsins Hoffells biluðu í mynni Reyðarfjarðar. Björgunarsveitir á svæðinu voru kallaðar út og þyrla Landhelgisgæslunnar fór austur. Skipverjum tókst loks að koma vélunum í gang og sigla til Reyðarfjarðar. 

Varðskipið dældi vatni í Flatey - 8.1.2018

Varðskipið Þór dældi á laugardaginn þrjátíu tonnum af ferskvatni í Flatey en vatnsbirgðir þar voru orðnar litlar. Þyrla Landhelgisgæslunnar flutti um svipað leyti mann sem slasaðist í eynni til læknis í Stykkishólmi. 

Áfengismælar í varðskipin - 8.1.2018

Fjölmargir úr starfsliði Landhelgisgæslunnar hafa að undanförnu setið námskeið í meðferð áfengismæla og fíkniefnaprófa. Slíkir mælar og próf eru nú um borð í varðskipunum en líka er gert ráð fyrir að áhafnir loftfara LHG hafi aðgang að þessum búnaði. 

Gleðilegt nýár! - 8.1.2018

flugeldar_1

Þyrla Landhelgisgæslunnar var kölluð út síðdegis á gamársdag vegna ljóss sem sást á Hvalfirði en líklega var um dufl að ræða og eftirgrennslan því hætt. Landhelgisgæslan óskar landsmönnum öllum velfarnaðar á nýju ári og þakkar velvild og stuðning á nýliðnu ári.